ವರದಿ : ಶ್ರೀದತ್ತ ಹೆಬ್ರಿ
ಹೆಬ್ರಿ : ಶ್ರೀ ಅನಂತಪದ್ಮನಾಭ ಫ್ರೆಂಡ್ಸ್ ಹೆಬ್ರಿ ಇವರ ಆಶ್ರಯದಲ್ಲಿ 12ನೇ ವರ್ಷದ ಹೆಬ್ಬೇರಿ ಉತ್ಸವ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳೊಂದಿಗೆ ಫೆಬ್ರವರಿ 11 ರಿಂದ 14ರವರೆಗೆ ಶ್ರೀ ಅನಂತಪದ್ಮನಾಭ ವಠಾರದಲ್ಲಿ ಅದ್ಧೂರಿಯಾಗಿ ನಡೆಯಲಿದೆ.
ಫೆಬ್ರವರಿ 11, ಶುಕ್ರವಾರ : ಸಂಜೆ 7ಕ್ಕೆ ಹೆಬ್ಬೇರಿ ಉತ್ಸವದ ಉದ್ಘಾಟನಾ ಸಮಾರಂಭ ನಡೆಯಲಿದೆ. ರಾತ್ರಿ 8.30 ಕ್ಕೆ ಮೂರು ಮುತ್ತು ಕಲಾ ತಂಡ ಇವರಿಂದ ಕನ್ನಡ ಹಾಸ್ಯಮಯ ನಾಟಕ ‘ಮಂಜ ಪಾಸ್ ಆದ್ನಾ..???’ ಪ್ರದರ್ಶನ ನಡೆಯಲಿದೆ.
ಫೆಬ್ರವರಿ 12, ಶನಿವಾರ : ಸಂಜೆ 7ಕ್ಕೆ ಗಾನ ನೃತ್ಯ ವೈಭವ, ರಾತ್ರಿ 8ಕ್ಕೆ ಓಂಕಾರ ಕಲಾವಿದರು ತೆಕ್ಕಟ್ಟೆ ಇವರಿಂದ ‘ಕಣ್ಣಾ ಮುಚ್ಚಾಲೆ’ ಕನ್ನಡ ಹಾಸ್ಯಮಯ ನಾಟಕ ಪ್ರದರ್ಶನ ನಡೆಯಲಿದೆ.
ಫೆಬ್ರವರಿ 13, ರವಿವಾರ ಸಂಜೆ 7.30ಕ್ಕೆ ಶ್ವೇತಾ ಯಕ್ಷ ಬಳಗದವರಿಂದ ಮಹಾಮಂತ್ರಿ ದುಷ್ಟಬುದ್ಧಿ ಯಕ್ಷಗಾನ.
ಫೆಬ್ರವರಿ 14, ಸೋಮವಾರ ಸಂಜೆ 5.30 ಕ್ಕೆ ಭಕ್ತಿಗಾಯನ, 7.30ಕ್ಕೆ ಸಮರೋಪ ಸಮಾರಂಭ ಕಾರ್ಯಕ್ರಮ. ರಾತ್ರಿ 9ಕ್ಕೆ ಚಾ ಪರ್ಕ ಕಲಾವಿದರಿಂದ ಕುರೆಪಟ್ ತುಳು ಹಾಸ್ಯಮಯ ನಾಟಕ ಪ್ರದರ್ಶನ ನಡೆಯಲಿದೆ ಎಂದು ಹೆಬ್ರಿ ಶ್ರೀಅನಂತಪದ್ಮನಾಭ ಫ್ರೆಂಡ್ಸ್ ನ ಅಧ್ಯಕ್ಷರು ಪತ್ರಿಕಾ ಪ್ರಕಟನೆಯಲ್ಲಿ ತಿಳಿಸಿದ್ದಾರೆ.