ಬೆಂಗಳೂರು : ದಳಪತಿ ವಿಜಯ್‌ ಅವರ 67ನೇ ಸಿನಿಮಾದಲ್ಲಿ ಸಿಂಪಲ್‌ ಸ್ಟಾರ್‌ ರಕ್ಷಿತ್ ಶೆಟ್ಟಿ ನಟಿಸುತ್ತಾರೆ ಎನ್ನುವ ಸುದ್ದಿಯೊಂದು ಹರಿದಾಡಿತ್ತು. ಸದ್ಯ ತಾನು ಈ ಸಿನಿಮಾದಲ್ಲಿ ರಕ್ಷಿತ್ ಶೆಟ್ಟಿ ಅವರೇ ಟ್ವೀಟ್‌ ಮಾಡಿದ್ದಾರೆ.
ಇದರಲ್ಲಿ ನಟ ರಕ್ಷಿತ್ ಶೆಟ್ಟಿ ತಮ್ಮ ಮುಂಬರುವ ಸಿನಿಮಾದ ಲೈನ್‌ ಅಪ್‌ ಹಾಗೂ ನಟಿಸಲಿರುವ ಮುಂಬರುವ ಸಿನಿಮಾಗಳ ಬಗ್ಗೆ ಮಾಹಿತಿಯನ್ನೂ ನೀಡಿದ್ದಾರೆ.
ಹೇಮಂತ್‌ ರಾವ್‌ ಅವರ ʼಸಪ್ತ ಸಾಗರದಾಚೆ ಎಲ್ಲೊʼ, ರಕ್ಷಿತ್ ಶೆಟ್ಟಿಯೇ ನಿರ್ದೇಶನ ಮಾಡಲಿರುವ ʼರಿಚರ್ಡ್ ಆಂಟನಿʼ, ರಕ್ಷಿತ್ ಶೆಟ್ಟಿ ಅವರ ಡ್ರೀಮ್‌ ಪ್ರಾಜೆಕ್ಟ್ ʼಪುಣ್ಯಕೋಟಿ ಭಾಗ-1, ಭಾಗ -2, ʼಮೀಡ್‌ ವೇ ಟು ಮೋಕ್ಷʼ ಚಿತ್ರಗಳಿಗಾಗಿ ಶ್ರಮ ಪಡುತ್ತಿದ್ದೇನೆ. ʼಕಿರಿಕ್‌ ಪಾರ್ಟಿ -2ʼ ಸಿನಿಮಾಕ್ಕಾಗಿ ಡಿಫ್ರೆಂಟ್‌ ಆಗಿ ಯೋಜನೆಯನ್ನು ಹಾಕಿಕೊಂಡಿದ್ದೇನೆ. ಸಾಮಾಜಿಕ ಜಾಲತಾಣದಲ್ಲಿ ಓದುವ ಕೆಲ ವಿಚಾರಗಳು ನಿಜವಾಗಿರಲ್ಲ ಎಂದು ಹೇಳಿ ಯಾವುದೇ ಇತರ ಭಾಷೆಯ ಸಿನಿಮಾದಲ್ಲಿ ನಟಿಸುತ್ತಿಲ್ಲ ಎನ್ನುವುದನ್ನು ರಕ್ಷಿತ್ ಶೆಟ್ಟಿ ಈ ಮೂಲಕ ಸ್ಪಷ್ಟಪಡಿಸಿದ್ದಾರೆ.
