75 ವರ್ಷದ ವರ, 70 ವರ್ಷದ ವಧುವಿನೊಂದಿಗೆ ಪ್ರೇಮ ವಿವಾಹವಾದ ಅಪರೂಪದ ಘಟನೆ ಮಹಾರಾಷ್ಟ್ರದ ಕೊಲ್ಲಾಪುರದಲ್ಲಿ ನಡೆದಿದೆ.
ಇವರಿಬ್ಬರು ಒಂದು ವೃದ್ಧಾಶ್ರಮದಲ್ಲಿ ಜೀವಿಸುತ್ತಿದ್ದರು. ಅಲ್ಲಿಯೇ ಇಬ್ಬರಿಗೂ ಪರಿಚಯವಾಗಿತ್ತು, ಬಳಿಕ ಮೆಲ್ಲಗೆ ಅವರಿಬ್ಬರ ನಡುವೆ ಪ್ರೀತಿ ಚಿಗುರಿ ಮದುವೆಯಾಗಿದ್ದಾರೆ. ವೃದ್ಧ ಜೋಡಿಗೆ ವೃದ್ಧಾಶ್ರಮದ ಎಲ್ಲರೂ ಸೇರಿ ಕುಟುಂಬ ಸದಸ್ಯರಾಗಿ ಮದುವೆ ಮಾಡಿಸಿದ್ದಾರೆ.
ವೃದ್ಧಾಶ್ರಮದ ನಿರ್ವಹಕರೊಂದಿಗೆ ಸೇರಿ ಇಬ್ಬರ ಮದುವೆಯನ್ನು ಅದ್ದೂರಿಯಾಗಿ ಮಾಡಿಸಿದ್ದಾರೆ. ಇಬ್ಬರ ಮದುವೆ ಫೋಟೋಗಳು, ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ.
ಲೇಟ್ ಆಗಿ ಮದುವೆಯಾದರೂ ವರ, ವಧುವನ್ನು ಸುಂದರವಾಗಿ ರೆಡಿ ಮಾಡಿ, ಮದುವೆ ಕಾರ್ಯಕ್ರಮ ನಡೆಸಿದ್ದಾರೆ.
