ಬಾಲಿವುಡ್ : ಖ್ಯಾತ ಬಾಲಿವುಡ್ ನಟಿ ಪ್ರಿಯಾಂಕ ಚೋಪ್ರಾ ಅಮೆರಿಕ ಸೊಸೆಯಾಗಿರೋದು ಹಳೇ ವಿಚಾರ. ಹೊಸ ವಿಚಾರ ಏನೂಂದ್ರೆ, ಅವರು ನ್ಯೂಯಾರ್ಕ್ ನಲ್ಲಿ ಇಂಡಿಯನ್ ರೆಸ್ಟೋರೆಂಟ್ ಒಂದನ್ನು ಆರಂಭಿಸುತ್ತಿದ್ದಾರೆ. ವಿಶೇಷ ಅಂದ್ರೆ ಆಹಾರ ಪದ್ದತಿ ಭಾರತೀಯ ಶೈಲಿಯಲ್ಲಿರಲಿದ್ದು, ಈ ಸೋನಾ ರೆಸ್ಟೋರೆಂಟ್ ನಲ್ಲಿ ಉಡುಪಿ ಮೂಲದ ಖ್ಯಾತ ಬಾಣಸಿಗ ಕೆಲಸ ಮಾಡಲಿದ್ದಾರೆ.
ಹರಿ ನಾರಾಯಣ್ ಉಡುಪಿಯಲ್ಲಿರುವ ಇವರು, ಅಮೆರಿಕಾದಲ್ಲಿ ವಾಸಿಸುತ್ತಿದ್ದಾರೆ. ಅನೇಕ ರೆಸ್ಟೋರೆಂಟ್ ನಲ್ಲಿ ಕೆಲಸ ಮಾಡಿದ ಅನುಭವವಿದೆ. ಕೋಫ್ಟಾ ಕೂರ್ಮ, ಚಿಲ್ಲಿ ಚೀಸ್ ನಾನ್ ಸೇರಿದಂತೆ ಅನೇಕ ಖಾದ್ಯಗಳು ಮೆನುವಿನಲ್ಲಿ ಇರಲಿದೆ ಎಂದು ಹರಿ ನಾರಾಯಣ್ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
ಈ ಬಗ್ಗೆ ಪ್ರಿಯಾಂಕಾ ಚೋಪ್ರಾ, `ಸೋನಾ ರೆಸ್ಟೋರೆಂಟ್ ಬಗ್ಗೆ ರೋಮಾಂಚಿಳಾಗಿದ್ದೇನೆ. ನ್ಯೂ ಯಾರ್ಕ್ ನಲ್ಲಿ ಭಾರತೀಯ ಅಹಾರ ಪದ್ದತಿಯ ರೆಸ್ಟೋರೆಂಟ್ ಓಪನ್ ಮಾಡಿರುವುದು ತುಂಬಾ ಹೆಮ್ಮೆಯಾಗುತ್ತಿದೆ. ಸೋನಾ ನನ್ನ ಕನಸು. ರೆಸ್ಟೋರೆಂಟ್ ಕಿಚನ್ ಪ್ರಮುಖ ಬಾಣಸಿಗ ಹರಿನಾಯಕ್ ಎನ್ನುವವರು ನೋಡಿಕೊಳ್ಳುತ್ತಿದ್ದಾರೆ. ಅತ್ಯಂತ ರುಚಿಕರವಾದ ಮತ್ತು ನವೀನ ಮೆನುವನ್ನು ರಚಿಸಲಾಗಿದೆ’ ಎಂದು ಬರೆದುಕೊಂಡಿದ್ದರು.