ವರದಿ : ಬಿ.ಎಸ್.ಆಚಾರ್ಯ
ಬ್ರಹ್ಮಾವರ : ನಮೋ ಅಭಿಮಾನಿಗಳ ಬಳಗ ಭದ್ರಗಿರಿ ಬೈಕಾಡಿ ಇವರ ನೇತೃತ್ವದಲ್ಲಿ ಉಡುಪಿ ಶಾಸಕ ಕೆ. ರಘುಪತಿ ಭಟ್ ಇವರ ಜನ್ಮ ದಿನದ ಅಂಗವಾಗಿ ಬೈಕಾಡಿ ಬಸ್ ನಿಲ್ದಾಣದ ಬಳಿ ಸಾಂಸ್ಕೃತಿಕ ಕಾರ್ಯಕ್ರಮವಾಗಿ ಸಂಗೀತ ರಸಮಂಜರಿ ಗುರುವಾರ ಜರುಗಿತು.
ಕಾರ್ಯಕ್ರಮವನ್ನು ಬ್ರಹ್ಮಾವರ ವ್ಯವಸಾಯಿ ಸೇವಾ ಸಹಕಾರಿ ಸಂಘದ ಅಧ್ಯಕ್ಷ ಇರ್ಮಾಡಿ ತಿಮ್ಮಪ್ಪ ಹೆಗ್ಡೆ ಉದ್ಘಾಟಿಸಿದರು.
ಶಾಸಕ ರಘುಪತಿ ಭಟ್ ಮಾತನಾಡಿ, ಸಾಮಾನ್ಯರಲ್ಲಿ ಸಾಮಾನ್ಯರಾಗಿದ್ದ ನನಗೆ ಪಕ್ಷ ಗುರುತಿಸಿ ಸ್ಥಾನ ನೀಡಿದೆ ಜನರ ಬೆಂಬಲದಿಂದ ಶಾಸಕನಾದೆ. ಈ ತನಕ ಹುಟ್ಟು ಹಬ್ಬವನ್ನು ಯಾವೂದೇ ಅದ್ದೂರಿಯಾಗಿ ಮಾಡಿಲ್ಲ. ಇಲ್ಲಿನ ಸಂಘಟಕರು ಆರೋಗ್ಯ ಶಿಬಿರ, ರಕ್ತದಾನ ಶಿಬಿರ ಮತ್ತು ಉಚಿತ ಕಣ್ಣಿನ ತಪಾಸಣೆ ಇನ್ನಿತರ ಸಮಾಜಮುಖಿ ಕಾರ್ಯ ಮಾಡಿರುವುದು ಖುಷಿ ತಂದಿದೆ. ಮುಂದೆ ಹುಟ್ಟು ಹಬ್ಬವನ್ನು ಯಾವೂದೇ ನಮ್ಮ ಪಕ್ಷದ ಕಾರ್ಯಕರ್ತರು ಮಾಡುವುದು ಬೇಡ ಎಂದರು.
ಇದೇ ಸಂದರ್ಭದಲ್ಲಿ ಹಡಿಲು ಭೂಮಿಯ ಭತ್ತದ ಕೃಷಿಯ ಕೇದಾರೋತ್ಥಾನ ಕಜೆ ಅಕ್ಕಿಯ ಮಾರಾಟ ಮಾಡಲಾಯಿತು.
ಈ ವೇಳೆ ಶಿವಮೊಗ್ಗದ ಹಿಂದೂ ಯುವಕ ಹರ್ಷನ ಕುರಿತು ಮೌನ ಪ್ರಾರ್ಥನೆ ಸಲ್ಲಿಸಲಾಯಿತು
ವೀಣಾ ನಾಯ್ಕ್ , ಯಶಪಾಲ್ ಸುವರ್ಣ , ಗೀತಾಂಜಲಿ ಸುವರ್ಣ , ವೀಣಾ ಶೆಟ್ಟಿ , ರಾಜೇಶ್ ಶೆಟ್ಟಿ ಬಿರ್ತಿ , ಮೀರಾ ಸದಾನಂದ ಪೂಜಾರಿ ಉಪಸ್ಥಿತರಿದ್ದರು.
ರಸ ಮಂಜರಿ ಕಾರ್ಯಕ್ರಮದ ಗಾಯಕಿಯ ಪುಟ್ಟ ಮಗುವೊಂದು ಗೀತೆಗಳಿಗೆ ಹೆಜ್ಜೆ ಹಾಕಿ ಕುಣಿಯುತ್ತಿರುವುದು ಸಾರ್ವಜನಿಕರೀಗೆ ತುಂಬಾ ರಂಜನೆ ನೀಡಿತು.
