ಚಂದನವನ : ಈಗಾಗಲೇ ಯೋಗರಾಜ್ ಭಟ್ ನಿರ್ದೇಶನದ ಗಾಳಿಪಟ 2 ಚಿತ್ರ ಬಿಡುಗಡೆಗೊಂಡು, ಯಶಸ್ವೀ ಪ್ರದರ್ಶನ ಕಾಣುತ್ತಿದೆ. ಮತ್ತೆ ಗಣಿ – ಭಟ್ರ ಜೋಡಿ ಮೋಡಿ ಮಾಡಿದೆ. ಗಾಳಿಪಟ 2 ನಂತರ ಭಟ್ರು ಯಾವ ಸಿನಿಮಾ ಮಾಡಲಿದ್ದಾರೆ ಎಂಬ ಕುತೂಹಲಕ್ಕೆ ತೆರೆ ಬಿದ್ದಿದೆ.
ಹೌದು, ಕುತೂಹಲಕ್ಕೆ ತೆರೆ ಬಿದ್ದಿದೆ ಏನೋ ಹೌದು, ಆದ್ರೆ, ಟೈಟಲ್ ಮೂಲಕ ತಲೆಗೆ ಹುಳ ಬಿಟ್ಟಿದ್ದಾರೆ ಅವರು. ವಿಭಿನ್ನವಾದ ಟೈಟಲ್ ಚಿತ್ರದ ಕುರಿತು ಕುತೂಹಲ ಹುಟ್ಟಿಸಿದೆ.
ಚಿತ್ರದಲ್ಲಿ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಹಾಗೂ ಡ್ಯಾನ್ಸ್ ಕಿಂಗ್ ಪ್ರಭುದೇವ ಜೊತೆಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರಕ್ಕೆ ರಾಕ್‌ಲೈನ್ ವೆಂಕಟೇಶ್ ಬಂಡವಾಳ ಹೂಡಲಿದ್ದಾರೆ.
ಅಂದಹಾಗೆ ಚಿತ್ರದ ಹೆಸರು ‘ಕರಟಗ ದಮನಕ’. ಇದನ್ನು ಸ್ವತಃ ಭಟ್ರು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಶಿವಣ್ಣ + ಶ್ರೀ ಪ್ರಭುದೇವ K ಕರಟಗ D ದಮನಕ, ಶ್ರೀರಾಕ್‌ಲೈನ್ ವೆಂಕಟೇಶ್ + ಯೋಗರಾಜ್ ಭಟ್ ಎಂದು ಬರೆದಿರುವುದನ್ನು ಶೇರ್ ಮಾಡಿ ‘ಮುಂದಿನ ಚಿತ್ರ’ ಎಂದು ಬರೆದುಕೊಂಡಿದ್ದಾರೆ.
