ವಿಂಡ್ಹೋಕ್ : ಆಫ್ರಿಕಾ ಪ್ರದೇಶ ಕ್ವಾಲಿಫೈಯರ್ ಪಂದ್ಯದಲ್ಲಿ ರುವಾಂಡಾ ವಿರುದ್ಧ ಯುಗಾಂಡ ಒಂಬತ್ತು ವಿಕೆಟ್ಗಳ ಗೆಲುವು ದಾಖಲಿಸಿದೆ. ಈ ಮೂಲಕ ಟಿ20 ವಿಶ್ವಕಪ್ಗೆ ಮೊದಲ ಬಾರಿಗೆ ಅರ್ಹತೆ ಪಡೆಯುವ ಮೂಲಕ ಇತಿಹಾಸ ಸೃಷ್ಟಿಸಿದೆ.
ಮುಂದಿನ ವರ್ಷ ವೆಸ್ಟ್ ಇಂಡೀಸ್ ಮತ್ತು ಯುನೈಟೆಡ್ ಸ್ಟೇಟ್ಸ್ ನಲ್ಲಿ ನಡೆಯಲಿರುವ ಟಿ20 ಮೆಗಾ-ಈವೆಂಟ್ಗೆ ಅರ್ಹತೆ ಪಡೆದ ಆಫ್ರಿಕಾ ಪ್ರದೇಶದ ಎರಡನೇ ತಂಡವಾಗಿ ಉಗಾಂಡಾ ಹೊರ ಹೊಮ್ಮಿದೆ.
ಆಫ್ರಿಕಾ ರೀಜನ್ ಅರ್ಹತಾ ಕೂಟದಲ್ಲಿ ಈ ಮೊದಲು ನಮೀಬಿಯಾ ಅರ್ಹತೆ ಪಡೆದಿತ್ತು. ಇದೀಗ ಉಗಾಂಡ ಟಿ20 ವಿಶ್ವಕಪ್ ನ 20ನೇ ದೇಶವಾಗಿ ಅರ್ಹತೆ ಪಡೆದಿದೆ.
Advertisement. Scroll to continue reading.
ಐಸಿಸಿ ಟಿ20 ವಿಶ್ವಕಪ್ ಆಫ್ರಿಕಾ ಅರ್ಹತಾ ಪಂದ್ಯಾವಳಿಯಲ್ಲಿ ಆತಿಥೇಯ ತಂಡವು ಪ್ರಬಲ ಪ್ರದರ್ಶನ ನೀಡಿದ್ದಾರೆ. ಮೊದಲ ಬ್ಯಾಟಿಂಗ್ ಮಾಡಿದ ರುವಾಂಡಾ 18.5 ಓವರ್ಗಳಲ್ಲಿ 65 ರನ್ಗಳಿಗೆ ಆಲೌಟ್ ಆಯಿತು. ನಂತರ ಉಗಾಂಡ 8.1 ಓವರ್ಗಳಲ್ಲಿ ತನ್ನ ಗುರಿಯನ್ನು ತಲುಪಿತು.
ಉಗಾಂಡಾದ ಅರ್ಹತೆಯೊಂದಿಗೆ, ಎಲ್ಲಾ 20 ತಂಡಗಳು 2024ರ ಟಿ20 ವಿಶ್ವಕಪ್ಗೆ ಅರ್ಹತೆ ಪಡೆದಿವೆ.
ಜೂನ್ 4 ರಿಂದ 30 ರವರೆಗೆ ನಡೆಯಲಿರುವ 2024ರ ಟಿ20 ವಿಶ್ವಕಪ್ಗೆ 20 ತಂಡಗಳನ್ನು ಐದು ಜನರ ನಾಲ್ಕು ಗುಂಪುಗಳಾಗಿ ವಿಂಗಡಿಸಲಾಗಿದೆ. ಸೂಪರ್ 8 ತಂಡವು ನಾಲ್ಕು ಗುಂಪುಗಳ ಎರಡು ಗುಂಪುಗಳನ್ನು ಒಳಗೊಂಡಿದ್ದು, ಅಗ್ರ ಎರಡು ತಂಡಗಳು ಸೆಮಿಫೈನಲ್ಗೆ ಅರ್ಹತೆ ಪಡೆಯಲಿವೆ.
Advertisement. Scroll to continue reading.