ಚಂದನವನ : ‘ಕಿರಿಕ್ ಪಾರ್ಟಿ’ ಮಾಡಿ ಎಲ್ಲರನ್ನು ರಂಜಿಸಿದ್ದ ರಕ್ಷಿತ್ ಶೆಟ್ಟಿ ‘ ಬ್ಯಾಚುಲರ್ ಪಾರ್ಟಿ ‘ ಮಾಡೋಕೆ ಸಿದ್ಧರಾಗಿದ್ದಾರೆ. ಹೌದು, ಕಿರಿಕ್ ಟೀಂನಿಂದ ಬರುತ್ತಿರೋ ಹೊಸ ಚಿತ್ರವೇ ‘ಬ್ಯಾಚುಲರ್ ಪಾರ್ಟಿ’. ಈ ಚಿತ್ರದ ಬಗ್ಗೆ ಈಗ ಹೊಸ ಅಪ್ಡೇಟ್‌ ಸಿಕ್ಕಿದ್ದು, ಜನವರಿ 26 ರಂದು ಚಿತ್ರ ತೆರೆಗೆ ಬರಲಿದೆ.
ಕಿರಿಕ್ ಪಾರ್ಟಿ ಬಂದು 7 ವರ್ಷಗಳಾಗಿವೆ. ಈಗ ಅಂತಹುದೇ ಮನರಂಜನೆ ಯಾವಾಗ ಸಿಗುತ್ತೆ ಅಂತ ಅಂತ ಎಲ್ಲರೂ ಕಾಯುತ್ತಿದ್ದರು. ಇನ್ನು ಜನವರಿ 26 ರ ವರೆಗೆ ಕಾದರೆ ಸಾಕು ಮನರಂಜನಾ ರಸದೌತಣ ಸಿಗುತ್ತೆ. ಕಾಲೇಜು ಜೀವನ, ಮದುವೆ, ಉದ್ಯೋಗ ಇತ್ಯಾದಿ ವಿಚಾರಗಳನ್ನು ಒಳಗೊಂಡಿದೆ.
‘ಕಿರಿಕ್ ಪಾರ್ಟಿ’ಯ ಬರಹಗಾರ ಅಭಿಜಿತ್ ಮಹೇಶ್ ಅವರು ನಿರ್ದೇಶಕರಾಗಿ ಬಡ್ತಿ ಪಡೆದಿದ್ದಾರೆ. ‘ಬ್ಯಾಚುಲರ್ ಪಾರ್ಟಿ’ಗೆ ಆಕ್ಷನ್ ಕಟ್ ಹೇಳಿದ್ದಾರೆ. ದಿಗಂತ್, ಲೂಸ್ ಮಾದ ಯೋಗಿ ಹಾಗೂ ಅಚ್ಯುತ್ ಕುಮಾರ್ ಮುಖ್ಯಭೂಮಿಕೆಯಲ್ಲಿದ್ದಾರೆ. ಜೊತೆಗೆ ಸಿರಿ ರವಿ ಕುಮಾರ್, ಬಾಲಾಜಿ ಮನೋಹರ್, ಆಚಾರ್ ಕಿರ್ಕ್, ಪ್ರಕಾಶ್ ತುಮಿನಾಡ್ ಇದ್ದಾರೆ. ಅಲ್ಲದೇ, ಮಾತಾ ಗುರು ಪ್ರಸಾದ್ ಮತ್ತು ನಾ ಸೋಮೇಶ್ವರ ಅತಿಥಿ ಪಾತ್ರದಲ್ಲಿ ಬರಲಿದ್ದಾರೆ.
ಪರಂವಃ ಸ್ಟೂಡಿಯೋಸ್ ಬ್ಯಾನರ್ ಅಡಿಯಲ್ಲಿ ರಕ್ಷಿತ್ ಶೆಟ್ಟಿ ಹಾಗೂ ಅಮಿತ್ ಗುಪ್ತ ಜಂಟಿಯಾಗಿ ಈ ಚಿತ್ರವನ್ನು ನಿರ್ಮಿಸಿದ್ದಾರೆ. ಅರವಿಂದ್ ಛಾಯಾಗ್ರಹಣ, ಅರ್ಜುನ್ ರಾಮು ಸಂಗೀತ ನಿರ್ದೇಶನ ಈ ಚಿತ್ರಕ್ಕಿದೆ.