ಬಾಲಿವುಡ್‌ಗೂ ಕ್ರಿಕೆಟ್‌ಗೂ ಒಂದಲ್ಲೊಂದು ನಂಟು ಇದ್ದೇ ಇರುತ್ತದೆ. ಈ ಹಿಂದೆ ಭಾರತದ ಕ್ರಿಕೆಟ್ ಆಟಗಾರರು ಬಾಲಿವುಡ್ ಅಂಗಳದಲ್ಲಿ ಮಿಂಚಿರುವುದು ಗೊತ್ತಿದೆ. ಈಗ ವಿದೇಶಿ ಅದರಲ್ಲೂ ವೆಸ್ಟ್‌ಇಂಡೀಸ್ ಆಟಗಾರರು ಬಾಲಿವುಡ್‌ನಲ್ಲಿ ಹೆಜ್ಜೆ ಇಡುತ್ತಿದ್ದಾರೆ. ಹಿಂದೆ ಡಿಜೆ ಬ್ರಾವೋ ಸಾಂಗ್ ಹೇಳಿ ಕುಣಿದಿದ್ದರು. ಈಗ ಆ ಸಾಲಿಗೆ ಬಿಗ್ ಹಿಟ್ಟರ್ ರಸೆಲ್ ಸೇರಿದ್ದಾರೆ.
ಕ್ರಿಕೆಟಿಗ, ಕೆಕೆಆರ್ ಟೀಮ್ ನಿಂದ ಪ್ರಮುಖ ಆಟಗಾರ ರಸೆಲ್ ಬಾಲಿವುಡ್ ಹಾಡಿಗೆ ಸಖತ್ ಸ್ಟಪ್ ಹಾಕಿದ್ದಾರೆ. ಲಡ್ಕಿ ಕಮಾಲ್ ಕಿ ಹಾಡಿಗೆ ಮೈಚಳಿ ಬಿಟ್ಟು ಕುಣಿದಿರುವ ರೆಸಲ್.. ಡಾನ್ಸ್ ಮಾಡುವುದರ ಜೊತೆಗೆ ಹಾಡು ಕೂಡ ಹೇಳಿದ್ದಾರೆ. ಹಾಗಾಗಿ ಈ ಹಾಡು ಎಲ್ಲರಿಗೂ ಇಷ್ಟವಾಗಿದೆ.
ಕಲರ್ ಫುಲ್ ಕಾಸ್ಟ್ಯೂಮ್, ವಿಶಿಷ್ಟ ಹೇರ್ ಸ್ಟೈಲ್.. ವಿಚಿತ್ರ ಮ್ಯಾನರಿಸಂ ಹೊಂದಿರುವ ರಸೆಲ್, ತಾವು ಅದ್ಭುತ ಕ್ರಿಕೆಟಿಗ ಮಾತ್ರವಲ್ಲ, ಒಬ್ಬ ಒಳ್ಳೆಯ ಡಾನ್ಸರ್ ಅನ್ನೋದನ್ನು ಸಾಬೀತು ಪಡಿಸಿದ್ದಾರೆ. ಬಾಲಿವುಡ್ ನಟಿ ಅವಿಕಾ ಗೋರ್ ಜೊತೆ ಸೊಂಟ ಬಳುಕಿಸಿದ್ದಾರೆ.
ಪಲಾಸ್ ಮುಚ್ಚಲ್ ಈ ಹಾಡಿಗೆ ಸಾಹಿತ್ಯ ಬರೆದಿದ್ದು, ಪಾಲಕ್ ಮುಚ್ಚಲ್ ಹಾಡಿದ್ದಾರೆ. ರಸೆಲ್ ಅಂತ ಪಂಚೆ ತೊಟ್ಟುಕೊಂಡು, ಕೂಲಿಂಗ್ ಗ್ಲಾಸ್ ಹಾಕಿ.. ತುಂಬಾ ಚೆನ್ನಾಗಿಯೇ ಹೆಜ್ಜೆ ಹಾಕಿದ್ದಾರೆ.