ಬಂಟ್ವಾಳ : ಅಂಬಿಕಾಮಿತ್ರ ಮಂಡಳಿ, ದೇವಿನಗರ – ಮೋಂತಿಮಾರು ವತಿಯಿಂದ ವಿದ್ಯಾರ್ಥಿಗಳಿಗೆ ಉಚಿತ ಪುಸ್ತಕ ವಿತರಣೆ ಕಾರ್ಯಕ್ರಮ ನಡೆಯಿತು.
ಈ ಸಂದರ್ಭ ದ.ಕ.ಜಿ.ಪ.ಶಾಲೆ ಮೋಂತಿಮಾರುವಿನ ಮುಖ್ಯಶಿಕ್ಷಕಿ ದೇವಕಿ. ಹೆಚ್. ಮಾತನಾಡಿ, ಪುಸ್ತಕ ವಿತರಣೆಯಿಂದ ಹಳ್ಳಿ ಪ್ರದೇಶದ ಮಕ್ಕಳಿಗೆ ತುಂಬಾ ಅನುಕೂಲಕರವಾಗಿದೆ. ಇಂತಹ ಇನ್ನಷ್ಟು ಒಳ್ಳೆಯ ಸಮಾಜಮುಖಿ ಕಾರ್ಯಕ್ರಮ ಮುಂದಕ್ಕೂ ಮಾಡುತ್ತ ಬನ್ನಿ. ಶ್ರೀದುರ್ಗಾಪರಮೇಶ್ವರಿ ದೇವಿಯ ಆಶೀರ್ವಾದ ನಿಮ್ಮೆಲ್ಲರಿಗೂ ಸದಾ ಇರಲಿ ಎಂದರು.
ಅಂಬಿಕಾಮಿತ್ರ ಮಂಡಳಿ ದೇವಿನಗರ - ಮೋಂತಿಮಾರು ಇದರ ಅಧ್ಯಕ್ಷ ದಿನೇಶ್ ಸಾಲ್ಯಾನ್, ಗೌರವಾಧ್ಯಕ್ಷ ಸತೀಶ ಟೈಲರ್ , ಮಾಜಿ ಗೌರವಾಧ್ಯಕ್ಷ ನೇಮಿರಾಜ ಶೆಟ್ಟಿ , ಉಪಾಧ್ಯಕ್ಷ ತಾರಾನಾಥ ದೇರಡ್ಕ, ಕಾರ್ಯದರ್ಶಿ ದೀಕ್ಷಿತ್ ಶೆಟ್ಟಿ ಮೊದಲಾವರು ಉಪಸ್ಥಿತರಿದ್ದರು.
ಜೊತೆ-ಕಾರ್ಯದರ್ಶಿ ಪುನೀತ್ ಕುಲಾಲ್ ಸ್ವಾಗತಿಸಿದರು. ಗಣೇಶ ಆಚಾರ್ಯ ವಂದಿಸಿದರು.