ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ನಡುವೆ ನಡೆದ ಪಂದ್ಯದಲ್ಲಿ ಧೋನಿ ಪಡೆ ಗೆದ್ದು ಬೀಗಿದೆ. ಚೆನ್ನೈ ನೀಡಿದ್ದ 192 ರನ್ ಗಳ ಗುರಿ ಮುಟ್ಟಲಾಗದೆ ಕೊಹ್ಲಿ ಟೀಂ ಸೋಲೊಪ್ಪಿಕೊಂಡಿತು.
ಅಂತಿಮ ಓವರ್ ನಲ್ಲಿ 37 ರನ್ ಬಾರಿಸಿ ಸಿ ಎಸ್ ಕೆ ಗೆ ಬೃಹತ್ ಮೊತ್ತ ನೀಡಲು ಕಾರಣೀಭೂತರಾಗಿದ್ದ ರವೀಂದ್ರ ಜಡೇಜಾ ಬೌಲಿಂಗ್, ಫೀಲ್ಡಿಂಗ್ ನಲ್ಲೂ ಆಲ್ ರೌಂಡರ್ ಪ್ರದರ್ಶನ ನೀಡಿ ತಂಡದ ಗೆಲುವಿಗೆ ಕಾರಣರಾದರು.
ಸಿ ಎಸ್ ಕೆ ನೀಡಿದ ಮೊತ್ತವನ್ನು ಬೆನ್ನಟ್ಟಲು ಹೊರಟ ಆರ್ ಸಿ ಬಿ ಟೀಂನಲ್ಲಿ ದೇವದತ್ತ ಪಡಿಕ್ಕಲ್ ಉತ್ತಮವಾಗಿ ಆಡಿದರೂ ಪ್ರಯೋಜನವಾಗಲಿಲ್ಲ. 15 ಎಸೆತಕ್ಕೆ 34 ರನ್ ಗಳಿಸಿ ಔಟಾದರು. ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಕೇವಲ 8 ರನ್ ಗಳಿಸಿದರು.
ರವೀಂದ್ರ ಜಡೇಜಾ 3 ವಿಕೆಟ್ ಕಿತ್ತರೆ, ಇಮ್ರಾನ್ ತಾಹೀರ್ ಎರಡು ವಿಕೆಟ್, ಸ್ಯಾಮ್ ಕರನ್, ಶಾರ್ದೂಲ್ ಠಾಕೂರ್ ತಲಾ ಒಂದು ವಿಕೆಟ್ ಪಡೆದರು.
