ಸೂಪರ್ ಸ್ಟಾರ್ ಕಮಲ್ ಹಾಸನ್ ನಟಿಸುತ್ತಿರುವ ಹೊಸ ಚಿತ್ರ ‘ವಿಕ್ರಂ’ ಅನ್ನೋದು ಈಗಾಗಲೇ ಎಲ್ಲರಿಗೂ ಗೊತ್ತಿರುವ ವಿಚಾರ. ಇದೀಗ ಚಿತ್ರದ ಫಸ್ಟ್ ಲುಕ್ ಬಿಡುಗಡೆಯಾಗಿದೆ. ಪೋಸ್ಟರ್‌ನಲ್ಲಿ ಕಮಲ್ ಹಾಸನ್, ವಿಜಯ್ ಸೇತುಪತಿ, ಫಾಹದ್ ಫಾಸಿಲ್ ಮೂವರ ನೋಟ ಅನಾವರಣಗೊಂಡಿದ್ದು ಇದು ಸಹಜವಾಗೆ ಕುತೂಹಲ ಕೆರಳಿಸಿದೆ.
ಅಷ್ಟೇ ಅಲ್ಲದೇ, ಈ ಪೋಸ್ಟರ್ ಮೂಲಕ ವಿಕ್ರಂ ಸಿನಿಮಾದಲ್ಲಿ ಸ್ಟಾರ್ ನಟರುಗಳು ನಟಿಸುತ್ತಿರುವುದು ಖಚಿತವಾಗಿದೆ. ಬಹಳ ದಿನಗಳಿಂದಲೂ ವಿಜಯ್ ಸೇತುಪತಿ, ಫಾಹದ್ ಫಾಸಿಲ್ ಇಬ್ಬರು ಈ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗುತ್ತಿತ್ತು. ಆದರೆ, ಅಧಿಕೃತವಾಗಿ ಮಾಹಿತಿ ಇರಲಿಲ್ಲ. ಈಗ ಪೋಸ್ಟರ್‌ನ ಫಸ್ಟ್ ಲುಕ್ ನಲ್ಲಿ ಈ ಸುದ್ದಿ ಖಚಿತವಾಗಿದೆ.
ಕಮಲ್ ಹಾಸನ್ ಅವರ ಹುಟ್ಟುಹಬ್ಬದಂದು ‘ವಿಕ್ರಂ’ ಸಿನಿಮಾದ ಟೀಸರ್ ರಿಲೀಸ್ ಆಗಿತ್ತು. ಕಮಲ್ ನಟಿಸುತ್ತಿರುವ 232ನೇ ಚಿತ್ರ ಇದಾಗಿದ್ದು, ಲೋಕೇಶ್ ಕನಕರಾಜ್ ನಿರ್ದೇಶನ ಮಾಡುತ್ತಿದ್ದಾರೆ. ರಾಜ್ ಕಮಲ್ ಫಿಲಂಸ್ ಬ್ಯಾನರ್‌ನಲ್ಲಿ ನಿರ್ಮಾಣವಾಗುತ್ತಿದ್ದು, ಸ್ವತಃ ಕಮಲ್ ಹಾಸನ್ ಚಿತ್ರಕ್ಕೆ ಬಂಡವಾಳ ಹಾಕುತ್ತಿದ್ದಾರೆ. ಇದೊಂದು ಪೊಲಿಟಿಕಲ್ ಥ್ರಿಲ್ಲರ್ ಚಿತ್ರವಾಗಿದೆ. ಮಲಯಾಳಂ ಇಂಡಸ್ಟ್ರಿಯ ಖ್ಯಾತ ನಟ ನರೈನ್ ಕೂಡ ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.
