ವರದಿ : ಬಿ.ಎಸ್.ಆಚಾರ್ಯ
ಬ್ರಹ್ಮಾವರ : ಕೃಷಿ ಕೇಂದ್ರದ ಬಳಿಯ ಮನೆಯೊಂದರಲ್ಲಿ ಅವಿತು ಕುಳಿತ ಚಿರತೆಯನ್ನು ಅರಣ್ಯ ಅಧಿಕಾರಿಗಳು ಹಿಡಿದು ಸಿದ್ದಾಪುರ ಬಳಿಯ ಹೊಸಂಗಡಿ ಅರಣ್ಯಕ್ಕೆ ಬಿಟ್ಟಿದ್ದಾರೆ.
ಬ್ರಹ್ಮಾವರ ಚಾಂತಾರು ಅಗ್ರಹಾರದ ಕೃಷ್ಣ ಮೂರ್ತಿ ಕೆದಿಲಾಯರ ಮನೆಯ ಬಳಿ ಚಿರತೆ ಬಂದಾಗ ಮನೆಯಲ್ಲಿರುವ ಒಂದು ಬಲೆಯ ಮೂಲಕ ಅದನ್ನು ಮನೆಯವರೆ ಬಂಧಿಸಿದ್ದರು.
ಬ್ರಹ್ಮಾವರ ಪೋಲೀಸ್ ಠಾಣಾಧಿಕಾರಿ ಮತ್ತು ಅರಣ್ಯ ಅಧಿಕಾರಿಗಳಿಗೆ ಸುದ್ದಿ ಮುಟ್ಟಿಸಲಾಯಿತು. ಕೂಡಲೇ ವಲಯ ಅರಣ್ಯ ಅಧಿಕಾರಿ ಸುಬ್ರಹ್ಮಣ್ಯ ಆಚಾರ್ಯ, ಉಪ ವಲಯ ಅರಣ್ಯ ಅಧಿಕಾರಿ ಹರೀಶ್ ಕೆ. ಮತ್ತು ಗುರುರಾಜ್ ಅವರ ತಂಡದೊಂದಿಗೆ ಘಟನೆಯ ಸ್ಥಳಕ್ಕೆ ಬಂದು ಬೋನನ್ನು ಇರಿಸಿ ಒಂದು ವರ್ಷ ಪ್ರಾಯದ ಹೆಣ್ಣು ಚಿರತೆಯನ್ನು ಹಿಡಿಯಲಾಯಿತು.
ಬಳಿಕ ಸಾಯಿಬರ ಕಟ್ಟೆ ಪಶುವೈಧ್ಯಾಧಿಕಾರಿ ಪ್ರದೀಪ್ ಆರೋಗ್ಯ ತಪಾಸಣೆ ಮಾಡಿ ಚಿರತೆಯ ಆರೋಗ್ಯ ಧೃಡೀಕರಣ ಮಾಡಿದರು.
ಅರಣ್ಯ ರಕ್ಷಕರಾದ ರಮೇಶ್ ಕೆ. ಕೇಶವ ಪೂಜಾರಿ, ದೇವರಾಜ್ ಪಾಣ , ಪರಶುರಾಮ್ ,ಸುರೇಶ್ ದೇವಾಡಿಗ ವಾಹನ ಚಾಲಕ ಜೋಯಿ ಕಾರ್ಯಾಚರಣೆಯಲ್ಲಿದ್ದರು.
