ವರದಿ : ಶ್ರೀದತ್ತ ಹೆಬ್ರಿ
ಹೆಬ್ರಿ : ಸ್ನೇಹಿತನೇ ವ್ಯಕ್ತಿಯೊಬ್ಬರನ್ನು ಹತ್ಯೆಗೆ ಯತ್ನಿಸಿರುವ ಘಟನೆ ನಾಡ್ಪಾಲು ಗ್ರಾಮದ ಸೀತಾನದಿ ಬಳಿ ನಡೆದಿದೆ. ಸಂದೇಶ್ ಕೊಲೆಗೆ ಯತ್ನಿಸಿರುವ ವ್ಯಕ್ತಿ. ವಿಶ್ವನಾಥ್ ಕುಲಾಲ್ ಗಾಯಕೊಂಡಿರುವವರು. ಸಂದೇಶ್ ಕುಡಿದು ಅವಾಚ್ಯ ಶಬ್ದಗಳಿಂದ ವಿಶ್ವನಾಥ್ ಅವರನ್ನು ನಿಂದಿಸುತ್ತಿದ್ದರು ಎನ್ನಲಾಗಿದೆ.
ಹೀಗಾಗಿ ವಿಶ್ವನಾಥ್ ಎರಡು ವರ್ಷಗಳಿಂದ ಆತನ ಸಹವಾಸ ಬಿಟ್ಟಿದ್ದರು. ಮಾತನಾಡುತ್ತಿರಲಿಲ್ಲ ಎನ್ನಲಾಗಿದೆ.
ಇದೇ ವಿಚಾರವಾಗಿ ಭಾನುವಾರದಂದು ವಿಶ್ವನಾಥ್ ತಮ್ಮ ಬೈಕ್ ನಲ್ಲಿ ಮನೆಗೆ ಹೋಗುತ್ತಿದ್ದ ವೇಳೆ ಅಜೇಯ ಹಾಗೂ ರಂಜನ್ ಎಂಬವರು ಇನ್ನೊಂದು ಬೈಕ್ ನಲ್ಲಿ ಓವರ್ ಟೇಕ್ ಮಾಡಿ ತಡೆದು ನಿಲ್ಲಿಸಿ ಬೆದರಿಕೆ ಹಾಕಿ, ಅವರನ್ನು ಬಿಗಿಯಾಗಿ ಹಿಡಿಕೊಂಡಿದ್ದಾರೆ. ಆಗ ಸಂದೇಶ್ ಹೊಟ್ಟೆಯ ಬಲ ಭಾಗಕ್ಕೆ ತಿವಿದಿದ್ದಾರೆ ಎನ್ನಲಾಗಿದೆ.
ಈ ಬಗ್ಗೆ ಹೆಬ್ರಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
