ವರದಿ : ಶ್ರೀದತ್ತ ಹೆಬ್ರಿ
ಹೆಬ್ರಿ: ಹಿಂಬದಿಯಿಂದ ಬಂದ ಬೈಕ್ ಡಿಕ್ಕಿ ಹೊಡೆದು ಬೈಕ್ ಸವಾರ ಗಂಭೀರವಾಗಿ ಗಾಯಗೊಂಡಿರುವ ಘಟನೆ ಚಾರಾದಲ್ಲಿ ನಡೆದಿದೆ.
ಬಸವ ಪರವ ರವರು ಹೆಬ್ರಿ ಕಡೆಯಿಂದ ಚಾರಾ ಕಡೆಗೆ ಬೈಕ್ ನಲ್ಲಿ ಹೋಗುತ್ತಿದ್ದರು. ಈ ವೇಳೆ ಅವರ ಹಿಂದುಗಡೆಯಿಂದ ಹೆಬ್ರಿ ಕಡೆಯಿಂದ ಬಂದ ಬೈಕ್ ಗುದ್ದಿದೆ.
ಪರಿಣಾಮ ಬಸವ ಪರವ ರವರು ಬೈಕ್ ಸಮೇತ ರಸ್ತೆಗೆ ಬಿದ್ದಿದ್ದು ತಲೆಗೆ ತೀವ್ರ ಪೆಟ್ಟಾಗಿದೆ. ಅಲ್ಲದೇ, ಹಿಂಬದಿಯಿಂದ ಗುದ್ದಿದ ಬೈಕ್ ಸವಾರ ವಿಶ್ವಾಸ್ ನಾಯಕ್ ಸಹ ಬೈಕ್ ಸಮೇತ ರಸ್ತೆಗೆ ಬಿದಿದ್ದು, ಗಂಭೀರ ಗಾಯವಾಗಿದೆ. ಹಾಗೂ ಸಹ ಸವಾರ ಶ್ರೀನಿಧಿಗೂ ಗಾಯಗಳಾಗಿವೆ.
ವಿಶ್ವಾಸ್ ನಾಯಕ್ ಅವರು ಅತೀವೇಗ ಹಾಗೂ ನಿರ್ಲಕ್ಷತನದಿಂದ ಬೈಕ್ ಚಲಾಯಿಸಿದ್ದೇ ಅಪಘಾತಕ್ಕೆ ಕಾರಣ ಎನ್ನಲಾಗಿದೆ. ಈ ಬಗ್ಗೆ ಹೆಬ್ರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
