ಚಂದನವನ : ಸ್ಯಾಂಡಲ್ ವುಡ್ ನ ಬಹುನಿರೀಕ್ಷಿತ ಚಿತ್ರ ವಿಕ್ರಾಂತ್ ರೋಣ. ನಿರ್ದೇಶಕ ಅನೂಪ್ ಭಂಡಾರಿ ಮತ್ತು ಕಿಚ್ಚ ಸುದೀಪ್ ಕಾಂಬೀನೇಷನ್ ನಲ್ಲಿ ಬರುತ್ತಿರುವ ಚಿತ್ರ ಇದಾಗಿದ್ದು, ಟೈಟಲ್ ನಿಂದಾನೆ ಸದ್ದು ಮಾಡುತ್ತಿತ್ತು.
ಮತ್ತೆ ಪೋಸ್ಟರ್, ಟ್ರೇಲರ್ ಗಳು ಚಿತ್ರದ ಬಗೆಗೆ ಮತ್ತಷ್ಟು ನಿರೀಕ್ಷೆ ಹೆಚ್ಚಿಸುವಂತೆ ಮಾಡಿದ್ದವು. ಇದೀಗ ಟ್ರೇಲರ್ ಸರದಿ.
ಶ್ರೀಮಂತಿಕೆಯಿಂದ ಟ್ರೇಲರ್ ಕೂಡಿದ್ದು, ಆ್ಯಕ್ಷನ್, ಸಸ್ಪೆನ್ಸ್, ಥ್ರಿಲ್ಲರ್ ಚಿತ್ರ ಅನ್ನೋದನ್ನು ಕನ್ಫಮ್ ಮಾಡಿದೆ.
ಹೌದು, ವಿಕ್ರಾಂತ್ ರೋಣ ಟ್ರೇಲರ್ ರಿಲೀಸ್ ಆಗಿದ್ದು, ಸಕತ್ ಕುತೂಹಲ ಹೆಚ್ಚಿಸಿರೋದು ಸುಳ್ಳಲ್ಲ. ಪ್ಯಾನ್‌ ವರ್ಲ್ಡ್‌ ಮೂವಿ ‘ವಿಕ್ರಾಂತ್ ರೋಣ’ ಟ್ರೈಲರ್ ಇಂದು ಅದ್ಧೂರಿಯಾಗಿ 6 ಭಾಷೆಗಳಲ್ಲಿ ರಿಲೀಸ್ ಆಗಿದೆ. ವಿವಿಧ ಭಾಷೆಗಳಲ್ಲಿ ‘ವಿಕ್ರಾಂತ್ ರೋಣ’ ಟ್ರೈಲರ್ ಅನ್ನು ಸೆಲೆಬ್ರಿಟಿಗಳು ರಿಲೀಸ್ ಮಾಡಿದ್ದಾರೆ.
ಕನ್ನಡದ ಜೊತೆಗೆ, ಹಿಂದಿ, ತಮಿಳು, ತೆಲುಗು ಹಾಗೂ ಇಂಗ್ಲಿಷ್‌ನಲ್ಲಿ ಚಿತ್ರ ಸಿದ್ಧವಾಗಿದೆ. ನಿರೂಪ್‌ ಭಂಡಾರಿ ಹಾಗೂ ನೀತಾ ಅಶೋಕ್‌ ಮೊದಲಾದವರು ಪಾತ್ರವಾಗಿದ್ದಾರೆ. ಬಿ.ಅಜನೀಶ್ ಲೋಕನಾಥ್ ಸಂಗೀತ ಸಂಯೋಜಿಸಿದ್ದು, ಈಗಾಗಲೇ ‘ಗಡಂಗ್ ರಕ್ಕಮ್ಮ’ ಹಾಡು ಸಿಕ್ಕಾಪಟ್ಟೆ ಸದ್ದು ಮಾಡಿದೆ. ಈ ಹಾಡಿಗೆ ಹೆಜ್ಜೆ ಹಾಕಿರುವ ಜಾಕಲಿನ್ ಫೆರ್ನಾಂಡೀಸ್ ಚಿತ್ರದಲ್ಲಿ ಪಾತ್ರವಾಗಿರೋದು ವಿಶೇಷ.
ಅಂದಹಾಗೆ, ವಿಕ್ರಾಂತ್ ರೋಣ ಜುಲೈ 28 ಕ್ಕೆ ತೆರೆಗೆ ಬರಲಿದೆ.
