ಪೆರ್ಣಂಕಿಲ ಶ್ರೀ ಮಹಾಲಿಂಗೇಶ್ವರ ಹಾಗೂ ಮಹಾಗಣಪತಿ ದೇವಸ್ಥಾನ : ಜೀರ್ಣೋದ್ಧಾರ ಪ್ರಯುಕ್ತ ಶಿಲಾ ಮುಹೂರ್ತ

ಪೆರ್ಣಂಕಿಲ : ಉಡುಪಿ ಅಷ್ಟ ಮಠಗಳಲ್ಲಿ ಒಂದಾದ ಅಧೋಕ್ಷಜ ಪೇಜಾವರ ಮಠದ ಅಧಿನದಲ್ಲಿರುವ ಪೆರ್ಣಂಕಿಲ ದೇವಾಲಯದ ಸಂಪೂರ್ಣ ನವೀಕರಣಕ್ಕೆ ಊರವರು ಸೇರಿ ಮುಂದಾಗಿದ್ದಾರೆ. ಸುಮಾರು 5 ಕೋಟಿ ರೂಗಳ ವೆಚ್ಚದಲ್ಲಿ ದೇವಾಲಯವು ಜೀರ್ಣೋದ್ಧಾರಗೊಳ್ಳಲಿದೆ.

ಈ ನಿಮಿತ್ತ ಶಿಲಾ ಕೆತ್ತನೆ ಹಾಗೂ ಮರದ ಕೆತ್ತನೆಗಳ ಕಾರ್ಯ ಪ್ರಾರಂಭಿಸುವ ನಿಟ್ಟಿನಲ್ಲಿ ಇಂದು ಪೇಜಾವರ ಮಠದ ಶ್ರೀ ಶ್ರೀ ಶ್ರೀ ವಿಶ್ವ ಪ್ರಸನ್ನ ಶ್ರೀಪಾದರ ದಿವ್ಯ ಉಪಸ್ಥಿತಿಯಲ್ಲಿ ಶಿಲಾ ಮುಹೂರ್ತ ಕಾರ್ಯಕ್ರಮ ನಡೆಯಿತು‌. ಕಾರ್ಯಕ್ರಮದಲ್ಲಿ ಶಾಸಕ ಲಾಲಾಜಿ ಆರ್. ಮೆಂಡನ್ ಭಾಗವಹಿಸಿದರು.