ವರದಿ : ಬಿ.ಎಸ್.ಆಚಾರ್ಯ
ಬಾರಕೂರು : ಶ್ರೀವಿಧ್ಯೇಶ ವಿದ್ಯಾಮಾನ್ಯ ನ್ಯಾಷನಲ್ ಆಂಗ್ಲ ಮಾಧ್ಯಮ ಶಾಲೆ ಹೇರಾಡಿ ಬಾರ್ಕೂರಿನಲ್ಲಿ ಶ್ರೀಕೃಷ್ಣ ಜನ್ಮಾಷ್ಟಮಿ ಪ್ರಯುಕ್ತ ಶಾಲೆಯ ಎಲ್‌ಕೆಜಿ ಮತ್ತು ಯುಕೆಜಿ ವಿದ್ಯಾರ್ಥಿ ಗಳಿಗಾಗಿ ಮುದ್ದು ಕೃಷ್ಣ ಮತ್ತು ಮುದ್ದು ರಾಧಾ ವೇಷ ಸ್ಪರ್ಧೆ ಯನ್ನು ಏರ್ಪಡಿಸಲಾಯಿತು.
ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಶಾಲಾ ಮುಖ್ಯೋಪಾಧ್ಯಾಯಿನಿ ಪ್ರೀತಿ ರೇಖಾ ವಹಿಸಿದ್ದರು. ಎಸ್‌ಆರ್‌ಎಸ್‌ಎನ್‌ಹೆಚ್‌ಪಿ ಶಾಲೆಯಲ್ಲಿ ನಿವೃತ್ತ ಮುಖ್ಯ ಶಿಕ್ಷಕಿ ಗೌರಿ ಟೀಚರ್ ರವರು ದೀಪ ಬೆಳಗಿಸುವ ಮೂಲಕ ಸ್ಪರ್ಧೆ ಯನ್ನು ಉದ್ಘಾಟಿಸಿ, “ಕೃಷ್ಣಮತ್ತು ರಾಧೆಯ ವೇಷ ತೊಟ್ಟ ಮಕ್ಕಳು ನಮ್ಮನ್ನು ದ್ವಾಪರ ಯುಗಕ್ಕೆ ಕರೆದುಕೊಂಡು ಹೋಗಿ ಕೃಷ್ಣ ಮತ್ತು ರಾಧಾ ಲೀಲೆಯನ್ನು ತೋರಿಸಿದರು “ಎಂದರು.
ಸ್ಪರ್ಧೆಯ ತೀರ್ಪುಗಾರರಾಗಿ ಉಡುಪಿಯ ಮಾಸ್ಟರ್ ಡ್ರಾಮ್‌ ಭರತ ನಾಟ್ಯ ಶಿಕ್ಷಕಿ ಶ್ರೀಕಲ್ಯಾಣಿ ಮತ್ತು ಎಸ್‌ವಿವಿಎನ್ ಹೇರಾಡಿ ಶಾಲೆಯಲ್ಲಿ ಭರತ ನಾಟ್ಯ ಶಿಕ್ಷಕಿ ಸ್ಮಿತಾ ಶಾಸ್ತ್ರೀ ಅವರು ಕಾರ್ಯ ನಿರ್ವಹಿಸಿದ್ದರು.
ಶಾಲೆಯ 32 ಮಕ್ಕಳು ವೇಷ ತೊಟ್ಟು ರಂಜಿಸಿದರು.
ಈ ಕಾರ್ಯಕ್ರಮ ವನ್ನು ಶಾಲಾ ಶಿಕ್ಷಕಿರಾದ ಚಂದ್ರ ಕಲಾ, ಕುಸುಮ, ಶುಭ ರಾವ್, ಶಾಲಾ ಆಫೀಸ್ ಸಹಾಯ ಕಾರದ ನಾಗರಾಜ್ ಶೇರಿಗಾರ್ ಮತ್ತು ಅಟೆಂಡರ್ ವಿಜಯ ಪೂಜಾರಿ, ಶಾಲಾ ಶಿಕ್ಷಕ, ಶಿಕ್ಷಕೇತರರು ಸಂಯೋಜನೆ ಮಾಡಿ ಸಹಕರಿಸಿದರು.
ವಿದ್ಯಾರ್ಥಿಗಳಿಗೆ ಮಾಸ್ತರ್ ಡ್ರಾಮಾದವರು ವೇಷಭೂಷಣದ ವ್ಯವಸ್ಥೆ ಮಾಡಿಸಿದರು. ಭಾಗವಹಿಸಿದ ಎಲ್ಲಾ ಮಕ್ಕಳಿಗೂ ವಿಶೇಷ ರೀತಿಯ ಉಡುಗೊರೆ ಕೊಡಲಾಯಿತು.
