ಮಂಗಳೂರು : ಪ್ರತಿಭಾ ಕಾರಂಜಿಯಲ್ಲಿ ಹಾಸ್ಯ ಭಾಷಣದಲ್ಲಿ ವಿದ್ಯಾರ್ಥಿ ಮಾಡಿದ ಸಿಕ್ಕಾ ಪಟ್ಟೆ ವೈರಲ್ ಆಗಿದೆ. ಸದ್ಯ ವೀಡಿಯೋ ನೋಡಿದವರೆಲ್ಲರೂ ಬಾಲಕನ ವಾಕ್ಚಾತುರ್ಯ ಮೆಚ್ಚಿದ್ದಾರೆ.
ಟೀಚರ್ ಹೇಳಿದ್ರು ಐದು ನಿಮಿಷ ಮಾತಾಡ್ಲಿಕ್ಕೆ ಎಂದು ಮಾತು ಆರಂಭಿಸುವ ಬಾಲಕನ ಮಾತು ಶುರುವಾಗುತ್ತಿದ್ದಂತೆ ಆರಂಭದಲ್ಲೇ ನೆರೆದಿದ್ದವರು ನಗುತ್ತಾರೆ.
ಟೀಚರ್ ಪ್ರಾಜೆಕ್ಟ್ ಮಾಡಲು 5 A4 ಶೀಟ್ ತರಲು ಹೇಳಿದರು. ನಾನು ಜೆರಾಕ್ಸ್ ಅಂಗಡಿಗೆ ಹೋದೆ 5 A4 ಶೀಟ್ ಇಲ್ಲ, ಒಂದೇ ಇರುದು ಎಂದು ಹೇಳಿದರು. ಹಾಗಾಗಿ ಅದನ್ನೇ ನಾಲ್ಕು ಜೆರಾಕ್ಸ್ ಮಾಡಿ ಕೊಡಲು ಹೇಳಿದೆ ಎಂದು ಹೇಳುವ ಅವನ ಮಾತಿನ ವೈಖರಿ ನಗಿಸುತ್ತದೆ.
ಒಟ್ಟಾರೆ 5 ನಿಮಿಷ ಮಾತನಾಡಿದ ಅವನ ಮಾತಿಗೆ ಎಲ್ಲರೂ ನಕ್ಕಿದ್ದಾರೆ.
ಅಂದ್ಹಾಗೆ, ವಿದ್ಯಾರ್ಥಿಯ ಹೆಸರು ಸಫ್ಫಾನ್. ದೇರಳಕಟ್ಟೆ ಸರಕಾರಿ ಶಾಲಾ ವಿದ್ಯಾರ್ಥಿ. ಪ್ರತಿಭಾ ಕಾರಂಜಿಯ ಕ್ಲಷ್ಟರ್ ಮಟ್ಟದ ‘ಹಾಸ್ಯ ಭಾಷಣ’ ಸ್ಪರ್ಧೆಯಲ್ಲಿ ಭಾಗವಹಿಸಿ ದ್ವಿತೀಯ ಬಹುಮಾನ ಪಡೆದಿದ್ದಾನೆ. ಆತ ಮಾಡಿದ ಭಾಷಣ ಸೆರೆಹಿಡಿದು ಸೋಶಿಯಲ್ ಮೀಡಿಯಾದಲ್ಲಿ ಶಿಕ್ಷಕಿ ಹಂಚಿಕೊಂಡಿದ್ದು, ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.
