ಉತ್ತರಕಾಂಡ : ಉತ್ತರಕಾಶಿಯಲ್ಲಿ ನಿರ್ಮಾಣ ಹಂತದಲ್ಲಿದ್ದ ಸಿಲ್ಕ್ಯಾರಾ ಸುರಂಗದೊಳಗೆ ಸಿಲುಕಿರುವ 41 ಕಾರ್ಮಿಕರನ್ನ ಹೊರ ಕರೆತರುವ ಪ್ರಯತ್ನ ಯಶಸ್ವಿಯಾಗಿದೆ. 17 ದಿನಗಳ ಬಳಿಕ ಕಾರ್ಮಿಕರನ್ನು ಹೊರತರಲಾಗಿದೆ.
ಚಾರ್ ಧಾಮ್ ಮಾರ್ಗದಲ್ಲಿ ನಿರ್ಮಾಣ ಹಂತದಲ್ಲಿದ್ದ ಸುರಂಗದ ಕುಸಿದ ಭಾಗದ ಕೊನೆಯ 10-12 ಮೀಟರ್ ಉದ್ದದ ಅವಶೇಷಗಳನ್ನ ಇಲಿ-ರಂಧ್ರ ಗಣಿಗಾರಿಕೆ ತಜ್ಞರು ಹಸ್ತಚಾಲಿತವಾಗಿ ಕೊರೆದು ತೆರವುಗೊಳಿಸಿದರು.
ಉತ್ತರಖಾಂಡ್ 2, ಜಾರ್ಖಂಡ್ 15, ಬಿಹಾರ 8, ಅಸ್ಸಾಂ 5, ಉತ್ತರ ಪ್ರದೇಶ 5, ಪಶ್ಚಿಮ ಬಂಗಾಳದ 5 ಕಾರ್ಮಿಕರು ಒಳಗೆ ಸಿಲುಕಿದ್ದರು. 395 ಗಂಟೆಗಳ ಕಾರ್ಯಾಚರಣೆ ಮೂಲಕ ಹೊರ ತರಲಾಗಿದೆ. ಈ ವೇಳೆ ಮುಖ್ಯಮಂತ್ರಿ ಪುಷ್ಕರ್ ಸಿಂಗ್ ಧಮಿ ಉಪಸ್ಥಿತರಿದ್ದರು.
ಸಿಲ್ಕ್ಯಾರಾ ಸುರಂಗದ ಹೊರಗೆ ವೈದ್ಯರ ತಂಡದೊಂದಿಗೆ 41 ಆಂಬ್ಯುಲೆನ್ಸ್ಗಳನ್ನು ನಿಯೋಜಿಸಲಾಗಿದೆ. ಕಾರ್ಮಿಕರ ಅಗತ್ಯಕ್ಕೆ ಅನುಗುಣವಾಗಿ ಚಿಕಿತ್ಸೆ ನೀಡಲಾಗುತ್ತಿದೆ.
