ಚಂದನವನ : ಕೆಜಿಎಫ್ ಬಳಿಕ ರಾಕಿಂಗ್ ಸ್ಟಾರ್ ಮುಂದಿನ ಚಿತ್ರ ಯಾವುದು ಎಂದು ಎಲ್ಲರೂ ಚಾತಕಪಕ್ಷಿಯಂತೆ ಕಾಯುತ್ತಿದ್ದಾರೆ. ಯಶ್ ಹೊಸ ಚಿತ್ರದ ತಯಾರಿಯಲ್ಲಿದ್ದಿದು ನಿಜ. ಆದರೆ, ಯಾವ ಚಿತ್ರ? ಏನ್ ಸಮಾಚಾರ ? ಒಂದು ಗೊತ್ತಿರದೆ ಯಾವಾಗಪ್ಪ ಅನೌನ್ಸ್ ಮಾಡ್ತಾರೆ ಅಂತ ಕಾದಿದ್ದೇ ಬಂತು…ಸಿನಿಮಾ ಅಪ್ಡೇಟ್ಸ್ ಕೊಡಿ ಭಾಯ್ ಅಂತ ಕಮೆಂಟ್ ಮಾಡಿದ್ದೇ ಬಂತು…ಊಹುಂ, ನಿರಾಸೆ! ಆದ್ರೆ ಈಗ ದಿಢೀರ್ ಅಂತ ರಾಕಿ ಭಾಯ್ ಖುಷಿ ವಿಷಯ ಕೊಟ್ಟಿದ್ದಾರೆ.
ಹೌದು, ಹೊಸ ಅಪ್ಡೇಟ್ ಕೊಡೋಕೆ ರಾಕಿ ಸಿದ್ಧರಾಗಿದ್ದಾರೆ. ಇದೇ ವಾರ ಅಭಿಮಾನಿಗಳಿಗೆ ರಾಕಿಭಾಯ್ ಸಿಹಿ ಸುದ್ದಿ ನೀಡಲು ಮುಂದಾಗಿದ್ದಾರೆ.
ಈಗ ಸಮಯ ಬಂದಿದೆ …
2022ರ ಏಪ್ರಿಲ್‌ನಲ್ಲಿ ‘ಕೆಜಿಎಫ್ –2’ ಸಿನಿಮಾ ಬಿಡುಗಡೆಯಾಗಿತ್ತು. ಇದಾದ ಬಳಿಕ ಯಶ್ ಅವರ ಮುಂದಿನ ಚಿತ್ರ ಯಾವುದು ಎನ್ನುವ ಪ್ರಶ್ನೆ ಮೂಡಿತ್ತು. ಆದರೆ, ಹೊಸ ಸಿನಿಮಾ ಕುರಿತು ಇತ್ತೀಚೆಗೆ ಮಾತನಾಡಿದ್ದ ಅವರು, ಶೀಘ್ರವೇ ಮಾಹಿತಿ ನೀಡುವುದಾಗಿ ಹೇಳಿದ್ದರು. ಆದರೆ, ಈಗ ಅದೇನು ಅಂತ ಹೇಳೋಕು ದಿನಾಂಕ ನಿಗದಿ ಮಾಡಿದ್ದಾರೆ.
‘ಈಗ ಸಮಯ ಬಂದಿದೆ. ಡಿಸೆಂಬರ್ 8ರಂದು ಮುಂಜಾನೆ 9:55ಕ್ಕೆ ಟೈಟಲ್ ಅನೌನ್ಸ್ ಆಗಲಿದೆ’ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಯಶ್ ಪೋಸ್ಟ್‌ ಮಾಡಿದ್ದಾರೆ. ಈ ಚಿತ್ರವನ್ನು ಕೆವಿಎನ್ ಪ್ರೊಡಕ್ಷನ್ ನಿರ್ಮಾಣ ಮಾಡುತ್ತಿದೆ. ಈ ಪೋಸ್ಟರ್ ಸಾಮಾಜಿಕ ಮಾಧ್ಯಮಗಳಲ್ಲಿ ಸದ್ದು ಮಾಡುತ್ತಿದೆ.
ಯಾರು ಈ ಚಿತ್ರದ ನಿರ್ದೇಶಕರು? ಏನು ಕಾನ್ಸೆಪ್ಟ್? ಇತ್ಯಾದಿ ಪ್ರಶ್ನೆಗಳು ಈಗ ಅಭಿಮಾನಿಗಳಲ್ಲಿ ಸಹಜವಾಗೆ ಉದ್ಭವಿಸಿದ್ದು, ಉತ್ತರ ಸಿಗೋಕೆ ಡಿ.8 ರ ವರೆಗೆ ಕಾಯಬೇಕಿದೆ.
