ಜಾತ್ರೆಯಲ್ಲಿ ಹಣ ಸಂಗ್ರಹಿಸಿ ಅಶಕ್ತರಿಗೆ ನೆರವಾಗುವ ಹೆಲ್ಪ್ ಲೈನ್ ಸೇವಾ ತಂಡ| ಸೋಶಿಯಲ್ ಮೀಡಿಯಾ ತಂಡದಿಂದ ಮಹತ್ಕಾರ್ಯ| Video

ಬ್ರಹ್ಮಾವರ : 5 ವರ್ಷದ ಹಿಂದೆ ಮಂಗಳೂರಿನಲ್ಲಿ ನಾಲ್ಕು ಜನರ ಸಾಮಾಜಿಕ ಜಾಲತಾಣದ ಗೆಳೆಯರ ತಂಡವೊಂದು ಇಂದು 600 ಜನರ ಸಮಾನ ಮನಸ್ಕರು ಒಂದಾಗಿ ಬಡವರ ಅಶಕ್ತರ ನೆರವಿಗೆ ಸ್ಪಂದಿಸುವ ಕಾರ್ಯ ಮಾಡಿ ಮಾದರಿಯಾಗಿದೆ.

ಹೆಲ್ಪ್ ಲೈನ್ ಸೇವಾ ತಂಡ ,ಬಬ್ಬು ಸ್ವಾಮಿ ಭಕ್ತೆರ್
ಜೈ ತುಳುನಾಡು ಸೇವಾ ಟ್ರಸ್ಟ್,ಅರ್ಪಣಾ ಸೇವಾ ಟ್ರಸ್ಟ್ ಕೆಲವೊಂದು ಸಾಮಾಜಿಕ ಚಟುವಟಿಕೆ ಮಾಡಿದ್ದರು.

ರವಿ ಕಟಪಾಡಿಯವರು ಅಷ್ಠಮಿಯಂದು ವಿಶೇಷ ವೇಷದಿಂದ ಲಕ್ಷಾಂತರ ರೂಪಾಯಿ ಸಂಗ್ರಹ ಮಾಡಿ ಅಶಕ್ತರೀಗೆ ನೆರವಾದ ಕಾರ್ಯದಿಂದ ಸ್ಫೂರ್ಥಿ ಪಡೆದ ಇವರ ತಂಡ ಜಿಲ್ಲೆಯಲ್ಲಿ ನಡೆಯುವ ಜಾತ್ರೆಯಲ್ಲಿ ನಾನಾ ವಿಶೇಷ ವೇಷದೊಂದಿಗೆ ಜನರನ್ನು ಸೆಳೆದು ಡಬ್ಬಿಯೊಂದರಲ್ಲಿ ಹಣ ಸಂಗ್ರಹಿಸುವ ಯೋಜನೆ ರೂಪಿಸಿದರು.

ಭಾನುವಾರ ಬಾರಕೂರು ಕಚ್ಚೂರಿನ ಮಾಲ್ತೀ ದೇವಿ ಹಾಗೂ ಬಬ್ಬುಸ್ವಾಮಿ ದೇವಸ್ಥಾನದ ಜಾತ್ರೆಯಲ್ಲಿ ಇವರ ವಿಶೇಷ ವೇಷದತಂಡ ಜಾತ್ರೆಗೆ ಬರುವ ಜನರಿಂದ ಹಣ ಸಂಗ್ರಹಿಸಿದೆ .

ಪಾರದರ್ಶಕ ವ್ಯವಸ್ಥೆಯಲ್ಲಿರುವ ಇವರ ತಂಡ ಚಿಕ್ಕ ಮಕ್ಕಳ , ಅಶಕ್ತರ ,ವೃದ್ಧರ, ವಸತಿ ರಹಿತರೀಗೆ ಒಟ್ಟು 50 ಲಕ್ಷ ರೂ ಜನರಿಂದ ಪಡೆದು ಜನರಿಗಾಗಿ ನೀಡಿದೆ .

ನಾನಾ ಖಾಸಗಿ ಉದ್ಯೋಗದಲ್ಲಿರುವ ತಂಡದಲ್ಲಿ ಕಲಾ ಶಿಕ್ಷಕ ನಿಶಾನ್ ಅಂಚನ್ ವೇಷದ ತಯಾರಿ ಮಾಡಿದರೆ, ವಿಶೇಷ ವೇಷ ಧಾರಿಯಾಗಿಮಹೇಶ್ ಅಮೀನ್,ನಾಗರಾಜ್,ಯೋಗೀಶ್,ಪೂರ್ಣ ಪ್ರಕಾಶ್ ,ನಿರಂಜನ್,ಸವಿತಾ ಕಾಂಚನ್, ರವಿ ಬಜ್ಪೆ, ಶ್ರೀಧರ್ ,ನಾಗರಾಜ್,ಹಿರಿಯ ಸಲಹೆಗಾರರಾಗಿ ಜಯಂತ್ ಕೊಲಂಬೆ, ನಿರ್ದೇಶಕರಾಗಿ ಧನು ಅಂಚನ್ ಇದ್ದಾರೆ

ಹಿರಿಯ ಸದಸ್ಯ ತಿಮ್ಮಪ್ಪ ಪೂಜಾರಿಯವರ ಬ್ಯಾಂಕ್ ಖಾತೆಯ ಪೋನ್ ಪೇ ಸಂಖ್ಯೆ 9035892580 ಇದಕ್ಕೆ ದಾನಿಗಳು ಹಣ ನೀಡಿದಲ್ಲಿ ಸಮಾಜಕ್ಕೆ ಸದ್ವಿನಿಯೋಗವಾಗಲಿದೆ .