ಮಲ್ಪೆ : ನೀರಿನಲ್ಲಿ ಆಟವಾಡುತ್ತಿದ್ದಾಗ ನೀರಿನ ಸೆಳೆತಕ್ಕೆ ಸಿಲುಕಿ ಯುವಕ ಸಮುದ್ರ ಪಾಲಾದ ಘಟನೆ ಕೋಡಿ-ಬೆಂಗ್ರೆ ಡೆಲ್ಟಾ ಬೀಚ್ ನಲ್ಲಿ ನಡೆದಿದೆ. ನಿತಿನ್ (೩೫) ಮೃತ ಯುವಕ. ನಿತಿನ್ ಬೆಂಗಳೂರಿನಲ್ಲಿ ಕೆನರಾ ಬ್ಯಾಂಕ್ ಉದ್ಯೋಗಿಯಾಗಿದ್ದರು.
ಬ್ಯಾಂಕಿಗೆ ರಜೆ ಇದ್ದ ಕಾರಣ ತಮ್ಮ ಸ್ನೇಹಿತರಾದ ಸಂಜಯ್ ಮತ್ತು ಆನಂದ್ ಕುಮಾರ್‌ರೊಂದಿಗೆ ಬೆಂಗಳೂರಿನಿAದ ಮೈಸೂರು ಮಾರ್ಗವಾಗಿ ಜ. ೨೬ ರಂದು ಮಲ್ಪೆಗೆ ಬೆಳಗ್ಗಿನ ಜಾವ ಬಂದು ತಲುಪಿದ್ದು, ಮಲ್ಪೆ-ಇನ್ನ್ ಗೆಸ್ಟ್ ಹೌಸ್‌ನಲ್ಲಿ ಉಳಿದುಕೊಂಡಿದ್ದರು.
ಮಧ್ಯಾಹ್ನ ೩ ಗಂಟೆಗೆ ಕೋಡಿ-ಬೆಂಗ್ರೆ ಡೆಲ್ಟಾ ಬೀಚ್ ನೀರಲ್ಲಿ ಸ್ನೇಹಿತರೊಂದಿಗೆ ನಿತಿನ್ ಆಟವಾಡುತ್ತಿದ್ದಾಗ ಆಕಸ್ಮಿಕವಾಗಿ ಕಾಲು ಜಾರಿ ಸಮುದ್ರದ ನೀರಿನ ರಭಸಕ್ಕೆ ಕೊಚ್ಚಿ ಹೋಗಿದ್ದಾರೆ. ಸ್ಥಳೀಯ ಮೀನುಗಾರರು, ಪೊಲೀಸರು ಹುಡುಕಾಡಿದ್ದು, ಡಿ.೨೯ ರಂದು ಮಧ್ಯಾಹ್ನ ೨.೩೦ಕ್ಕೆ ಮೃತದೇಹ ಸಿಕ್ಕಿದೆ.
ಈ ಬಗ್ಗೆ ಮಲ್ಪೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
