ಹಿರಿಯಡಕ : ಶ್ರೀ ದಶಾವತಾರ ಯಕ್ಷಗಾನ ಕಲಾ ಮಂಡಳಿ ಕಾಜಾರಗುತ್ತು ಇದರ 34ನೇ ವರ್ಷದ ವಾರ್ಷಿಕೋತ್ಸವದ ಅಂಗವಾಗಿ ಮದ್ದಳೆ ಮಾಂತ್ರಿಕ ದಿ.ಗೋಪಾಲ ರಾವ್ ಶಿಷ್ಯರ ಸಾರಥ್ಯದಲ್ಲಿ ರುಕ್ಮಾಂಗದ ಚರಿತ್ರೆ ಮತ್ತು ರತಿ ಕಲ್ಯಾಣ ಎಂಬ ಯಕ್ಷಗಾನ ಪ್ರಸಂಗಗಳು ಕಾಜಾರಗುತ್ತು ಶ್ರೀ ಧೂಮಾವತಿ ದೈವಸ್ಥಾನದ ವಠಾರದಲ್ಲಿ ನಡೆಯಿತು. ಈ ಸಂದರ್ಭ ಮದ್ದಳೆಗಾರ ಶ್ರೀ ಚಂದ್ರಶೇಖರ ಆಚಾರ್ಯ ಮತ್ತು ಶ್ರೀಮತಿ ವಿನೋದಾ ಆಚಾರ್ಯ ದಂಪತಿಯನ್ನು ಸನ್ಮಾನಿಸಲಾಯಿತು. ಈ ವೇಳೆ ಸಂಘದ ಅಧ್ಯಕ್ಷ ಎಂ. ಅಚ್ಯುತ್ ನಾಯಕ್, ಕಾರ್ಯದರ್ಶಿ ಎಂ.ವಿಠಲ ನಾಯಕ್, ಯಕ್ಷಗಾನ ಭಾಗವತ, ನಿರ್ದೇಶಕ ಕೆ. ಅನಂತಪದ್ಮನಾಭ ಭಟ್, ಮಂಜುನಾಥ ಭಟ್, ಚಂದ್ರಶೇಖರ ಆಚಾರ್, ಜಗದೀಶ ಆಚಾರ್ಯ ಕುತ್ಪಾಡಿ, ದೇವೇಂದ್ರ ನಾಯಕ್ ಹಾಗೂ ಸಂಘದ ಸದಸ್ಯರು ಉಪಸ್ಥಿತರಿದ್ದರು.
