`ರಾಮಾಯಣ’ದ ಆರ್ಯಸುಮಂತ್ರ ಖ್ಯಾತಿಯ ಹಿರಿಯ ನಟ ಚಂದ್ರಶೇಖರ್ ವೈದ್ಯ ವಿಧಿವಶ

ಬಾಲಿವುಡ್ ನ ಖ್ಯಾತ ಕಲಾವಿದ, ಸಾಮಾಜಿಕ ಹೋರಾಟಗಾರ ಚಂದ್ರಶೇಖರ್ ವೈದ್ಯ ಬುಧವಾರ ವಿಧಿವಶರಾಗಿದ್ದಾರೆ. ಅವರಿಗೆ 98 ವರ್ಷ ವಯಸ್ಸಾಗಿತ್ತು. ವಯೋಸಹಜ ಖಾಯಿಲೆಯಿಂದ ಬಳಲುತ್ತಿದ್ದ ಅವರು, ಬೆಳಿಗ್ಗೆ 7 ಗಂಟೆಗೆ ಮುಂಬೈನಲ್ಲಿ ನಿಧನರಾಗಿದ್ದಾರೆ.
ರಮಾನಂದ್ ಸಾಗರ್ ಅವರ ರಾಮಾಯಣ' ಧಾರವಾಹಿಯಲ್ಲಿ ಧಶರಥ ಮಹಾರಾಜನ ಪ್ರಧಾನ ಮಂತ್ರಿ ಆರ್ಯ ಸುಮಂತ್ರ ಪಾತ್ರದ ಮೂಲಕ ಅವರು ಜನಪ್ರಿಯರಾಗಿದ್ದರು. ಬೆಬಾಸ್’, ನಿರ್ದೋಷಿ',ಔರತ್ ಥೇರಿ ಯೆಹಿ ಕಹಾನಿ’, ಅಜ್ನಬೀ',ಹಮ್ ತುಮ್ ಔರ್ ವೋ’, ಅನ್ಪಡ್',ಮೆಹಬೂಬ’ ಸೇರಿದಂತೆ 250ಕ್ಕೂ ಹೆಚ್ಚಿನ ಚಿತ್ರಗಳಲ್ಲಿ ನಟಿಸಿದ್ದರು.
ಚಂದ್ರಶೇಖರ್ ಅವರ ಮಗ ಅಶೋಕ್ ಶೇಖರ್ ಟಿವಿ ನಿರ್ಮಾಪಕರಾಗಿದ್ದು, ಮೊಮ್ಮಗ ಶಕ್ತಿ ಅರೋರಾ ಸಿನಿರಂಗದಲ್ಲಿ ತೊಡಗಿಕೊಂಡಿದ್ದಾರೆ.