ವರದಿ : ಶ್ರೀದತ್ತ ಹೆಬ್ರಿ
ಹೆಬ್ರಿ : ಬಸ್ ಏಜೆಂಟ್ ಶಶಿಧರ್ ನಾಯಕ್ (48) ಮುಂಜಾನೆ ಹೃದಯಾಘಾತದಿಂದ ನಿಧನರಾಗಿದ್ದಾರೆ.
ಮೃತರು 3 ದಶಕಗಳಿಂದ ಹೆಬ್ರಿಯಲ್ಲಿ ಬಸ್ ಏಜೆಂಟರಾಗಿ ದುಡಿಯುತ್ತಿದ್ದರು. ಸದಾ ನಗು ಮುಖದೊಂದಿಗೆ ಕೆಲಸ ನಿರ್ವಹಿಸುತ್ತಿದ್ದರು.
‘ಏಜೆಂಟ್ ಗಿರಿಯಣ್ಣ’ ಎಂದೇ ಚಿರಪರಿಚಿತರಾಗಿದ್ದರು. ಇವರ ತಂದೆ ದಿವಂಗತ ನಾರಾಯಣ್ ನಾಯಕ್ ಇವರು ಹೆಬ್ರಿಯಲ್ಲಿ ಹಿರಿಯ ಬಸ್ ಏಜೆಂಟರಾಗಿ ದುಡಿದಿದ್ದರು . ಪ್ರಮುಖ ಸಾರಿಗೆ ಸಂಸ್ಥೆಗಳಾದ ಹೆಬ್ರಿಯ ಎ.ಪಿ.ಎಂ., ಉಡುಪಿ ಹನುಮಾನ್ ಮೋಟಾರ್ಸ್ , ಟಿ.ಸಿ.ಎಸ್ ಹಾಗೂ ಇತರ ಖಾಸಗಿ ಬಸ್ಸುಗಳ ಏಜೆಂಟರಾಗಿ ಶಶಿಧರ್ ನಾಯಕ್ ದುಡಿಯುತ್ತಿದ್ದರು.
ಮೃತರು ಪತ್ನಿ, ಇಬ್ಬರು ಪುತ್ರಿಯರು ಮತ್ತು ತಾಯಿ ಹಾಗೂ ಸಹೋದರನನ್ನು ಅಗಲಿದ್ದಾರೆ.
