ಚಂದನವನ : ನಿರ್ದೇಶಕ ಪವನ್ ಕುಮಾರ್ ಬಿಗ್ ಅನೌನ್ಸ್ಮೆಂಟ್ ಏನೂ ಅನ್ನೋ ಕುತೂಹಲ ಕೊನೆಗೂ ಹೊರಬಿದ್ದಿದೆ. ಅಮೆಜಾನ್, ನೆಟ್‌ಫ್ಲಿಕ್ಸ್‌ ನಂಥಹಾ ಒಟಿಟಿಗಳು ಕನ್ನಡ ಸಿನಿಮಾಗಳ ಬಗ್ಗೆ ದೊಡ್ಡ ಅಸಡ್ಡೆ ಹೊಂದಿವೆ ಎಂಬ ಮಾತುಗಳು ಕೇಳಿಬರುತ್ತಿರುವ ಸಮಯದಲ್ಲಿಯೇ ಕನ್ನಡದ ಹೊಸ ಸಿನಿಮಾವೊಂದು ನೇರವಾಗಿ ಅಮೆಜಾನ್ ಪ್ರೈಂನಲ್ಲಿ ಬಿಡುಗಡೆಗೊಳ್ಳುತ್ತಿದೆ. ಈ ಬಗ್ಗೆ ಸ್ವತಃ ಪವನ್ ಕುಮಾರ್ ಪೋಸ್ಟರ್ ಮೂಲಕ ದೃಢಪಡಿಸಿದ್ದಾರೆ. ಪವನ್ ಕುಮಾರ್ ಸ್ಟುಡಿಯೋಸ್ ಚಲನಚಿತ್ರ ಮತ್ತು ರಾಕೆಟ್ ಸೈನ್ಸ್ ಎಂಟರ್‌ಟೈನ್‌ಮೆಂಟ್ ಪ್ರೊಡಕ್ಷನ್‌ನಿಂದ ನಿರ್ಮಾಣವಾಗಿರುವ ‘ಇಕ್ಕಟ್’ ಚಿತ್ರ ಜುಲೈ 21ರಂದು ಅಮೆಜಾನ್ ಪ್ರೈಂನಲ್ಲಿ ಬಿಡುಗಡೆ ಆಗುತ್ತಿದೆ.
“ಇಕ್ಕಟ್” ಚಿತ್ರದ ಕುರಿತು :
ಈಗಾಗಲೇ ಟ್ರೇಲರ್ ಮೂಲಕ ಸುದ್ದಿಯಾಗಿದ್ದ ಚಿತ್ರ “ಇಕ್ಕಟ್”. ವಿಚ್ಛೇಧನ ಬಯಸಿರುವ ದಂಪತಿಗಳು ಕೊರೊನಾ ಲಾಕ್‌ಡೌನ್‌ನಿಂದಾಗಿ ಒಂದೇ ಮನೆಯಲ್ಲಿ ಉಳಿವಂತಾಗುವುದು ಹಾಗೂ ಆ ಮನೆಗೆ ಆಗಂತುಕರ ಆಗಮನದ ಕತೆಯನ್ನು ಈ ಸಿನಿಮಾದಲ್ಲಿ ಕಟ್ಟಿಕೊಡಲಾಗಿದೆಯಂತೆ. ಪೂರ್ತಿ ಸಿನಿಮಾವನ್ನೂ ಬಹುತೇಕ ಒಂದು ಮನೆಯಲ್ಲಿ ಚಿತ್ರೀಕರಣ ಮಾಡಲಾಗಿದೆ.
ನಾಗಭೂಷಣ ಹಾಗೂ ಭೂಮಿ ಶೆಟ್ಟಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದು, ಜೊತೆಗೆ , ಸುಂದರ್ ವೀಣಾ, ಆನಂದ್ ನಿನಾಸಮ್, RJ ವಿಕ್ಕಿ ಮತ್ತು ನವೀನ್ ಚೆಥಾನ ಪ್ರಮುಖ ಪಾತ್ರವಾಗಿದ್ದಾರೆ. ಈ ಸಿನಿಮಾದ ನಿರ್ದೇಶನ ಹಾಗೂ ಸಂಕಲನ ಇಶಾಮ್ ಮತ್ತು ಹಸೀನ್ ಖಾನ್ ನಿರ್ವಹಿಸಿದ್ದಾರೆ.
