ಹೊಂಬಾಳೆ ಫಿಲಂಸ್ ಕೆ ಜಿ ಎಫ್ 2 ಚಿತ್ರ ಮಾಡುತ್ತಿದೆ. ಅದರೊಂದಿಗೆ ಪ್ರಶಾಂತ್ ನೀಲ್ ಹಾಗೂ ಪ್ರಭಾಸ್ ಕಾಂಬಿನೇಷನ್ ನ ಸಲಾರ್ ಚಿತ್ರ ಮಾಡುತ್ತಿರೋದು ಗೊತ್ತಿರೋ ವಿಚಾರ. ಅಲ್ಲದೇ ಪುನೀತ್ ರಾಜ್ ಕುಮಾರ್ ಮತ್ತು ಪವನ್ ಕುಮಾರ್ ಕಾಂಬಿನೇಷನ್ ನ ‘ದ್ವಿತ್ವ’ ಚಿತ್ರವನ್ನೂ ಹೊಂಬಾಳೆ ನಿರ್ಮಿಸುತ್ತಿದೆ. ಮತ್ತೊಂದು ಸಿನಿಮಾ ಮಾಡುವ ಬಗ್ಗೆ ಘೋಷಿಸಿತ್ತು. ಹೀರೋ ಯಾರೆಂಬುದನ್ನು ಜುಲೈ 11 ಕ್ಕೆ ಘೋಷಿಸುವುದಾಗಿಯೂ ತಿಳಿಸಿತ್ತು.
ಇದೀಗ ಹೊಂಬಾಳೆ ಫಿಲಂಸ್ ಚಿತ್ರದ ಟೈಟಲ್ ಹಾಗೂ ಹೀರೋ ಯಾರೆಂಬುದನ್ನು ಅನೌನ್ಸ್ ಮಾಡಿದೆ. ‘ರಿಚರ್ಡ್ ಆಂಟನಿ’ ಯಾಗಿ ರಕ್ಷಿತ್ ಶೆಟ್ಟಿ ಬರುತ್ತಿದ್ದಾರೆ. ನಿರ್ದೇಶನವೂ ಅವರದೇ. ಖಾಸಗಿ ವಾಹಿನಿಯೊಂದು ರಕ್ಷಿತ್ ತೇಜೋವಧೆ ಮಾಡಿದ ಆರೋಪಕ್ಕೆ ಉತ್ತರ ಜುಲೈ 11 ರಂದು ನೀಡುವುದಾಗಿ ಹೇಳಿದ್ದರು. ಅದಕ್ಕೆ ಉತ್ತರ ‘ರಿಚರ್ಡ್ ಆಂಟನಿ’ ಎಂಬುದು ಸ್ಪಷ್ಟವಾಗಿದೆ.
ಹೊಂಬಾಳೆ ಫಿಲಂಸ್ ಜೊತೆ ನಾಯಕನಾಗಿ, ನಿರ್ದೇಶಕನಾಗಿ ಅವರು ಕಾಣಿಕೊಳ್ಳುತ್ತಿರೋದು ಅಭಿಮಾನಿಗಳಿಗೆ ಸಂತಸ ಕೊಟ್ಟಿದ್ದು, ಸಹಜವಾಗೇ ಕುತೂಹಲ ಹುಟ್ಟಿಸಿದೆ.
